Malaysia-ah tuilianin harsatna thlen

Malaysian Department of Social Welfare chuan Malaysia khawchhak lama state pahnih Terengganu leh Kelantan-ahte chuan tui a len nasat avangin mi 16,000 vel sawnchhuah an ni tawh tih nimin khan an sawi.

Heng state pahnihte hi Ma­laysian Peninsular-a khaw­chhak tuipui kama awmte an ni a, October thla tawp aṭang khan ruahtui an dawn nasa hle a ni. Tuilian vang hian relief centre 63 siamin, chhungkaw 4,814 vel zet chu heng centre-ah hian dah an ni tawh. Mi pahnih tuiah an tlahlum tih hriat a ni tawh bawk.