Mexico rama dawr kangah mi 23 an thi

Mexico hmar thlang lam, Sonora state khawpui Hermosillo-a departmental store, Waldo dawr chu Inrinni liam ta khan a kang a, mi 23 an thih bakah mi dang eng emaw zat an hliam. Thi zingah hian naupang pali an tel.

Mexico ram hian kar liam ta kar tawp khan Day of the Dead hun an hmang a, an chhungte thi tawhte hriatrengna hun atan he ni hi an hmang a ni. Dawr-a mi tam tak an awm laia kangmei nasa tak a chhuah chhan hi chhui mek a ni.

Sonora Attorney General Gustavo Salas Chvez chuan chhiatna thlenga thite hi gas hlauhawm tak an hip luh vanga thi nia an lan thu a sawi a, mahse, dawr kang hi hal luih a nih leh nih loh erawh hriatchian a la ni lo, a ti.