Ruahsur nasain Brazil-ah chhiatna thlen

Brazil chhim lama awm Belo Horizonte khuaah  kar kal ta Zirtawpni aṭanga chhum lo chat loa nasa taka ruah a sur hnuah, tuilian leh leitawlh vangin mi 30 an thih tawh thu thuneitute chuan an tarlang. 

Brazil ramah hian October aṭanga March thla inkar hi ruahsur duh hun lai ber a ni ṭhin a, kumin ruahsur hian Brazil chhim lamah chuan chhiatna a thlen a ni. 

Minas Gerais khuaah hian ruahsur nasain chhiatna a thlen  hnuah chin hriat loa awm mi 17 an awm thu tarlan a ni a, tuilian leh leitawlh vanga harsatna tawk chhanchhuah tawh zat hi mi 2,600 vel an nih tawh thu, Brazil Civil Defence thuchhuah chuan a tarlang bawk.