Philippines-ah typhoon Kalmaegi a tleh

Philippines ram chu nimin, Thawhlehni khan thlipui, typhoon Kalmaegi in a nuai a, ruah nasa taka sur bawkin chhiatna a thlenah mi panga an thi. Tui lianin chenna in tam tak a chim bawk.

Cebu thliarkara khaw eng emaw zat chu tuiin a chim nasa hle a, hmun ṭhenkhat chuan tuilian hian car, truck leh bungraw lian tak takte a len a ni. Ceby city-ah chuan thlipui thlen hma darkar 24-ah ruah tui thla hi 183 a tling hman a ni.

Typhoon Kalmaegi hi kumina Philipines rama thlipui tleh vawi 20-na a ni a, darkar khata km 25-a chakin a tleh a. Philippines a nuai hnuah nimin tlai lam khan South China Sea lam a pan a ni.

Provincial governor Pamela Baricuatro chuan thlipui tleh chuan chhiatna nasa tak a thlen an lo hlauhthawn laiin, thli tleh aiin ruahsur nasa chuan harsatna a thlen nasa zawk niin a sawi. Mi tam tak chu an in tuiin a chim avangin in chungahte chhanchhuah hun an lo nghak a ni. Hetih lai hian tuilian vang hian chhanchhuah hna thawktute chuan an duh angin an thawk chak thei lo tih an sawi.