Turkey-a lirnghing vangin mi 29 thi
Turkey khawchhak ram lamah kar liamta Zirtawpni khan magnitude 6.8 a nain lir a nghing. Lirnghingin chhiatna a thlenah hian mi 29-in nunna an chan a, midang 1,466 dawnin hliam an tuar bawk tih Disaster and Emergency Management Authority chuan a tarlang.
Turkey Health Minister Fahrettin Koca chuan Elazing bial chhunga lirnghing natna lai berah chuan chhanchhuaktu pawl ten building chimin a delhte ruang hai chhuak turin hna an thawk a, mitthi awm zat hi an la pun belh a rinawm thu a sawi.
In chimin a chhilh hnan an awm nual avangin chhanchhuah hna pawh thawh chhunzawm mek a ni a, hnathawktute hian mi 42 vel chu in chimin a delh hnan atangin an lachhuak tawh a, mi 22 vel an la tang nia hriat a ni.
Lirnghing tuarte hi sorkar chuan an awm lailawkna tur a buatsaih sak nghal a, sikul, mosque leh sports hall-ahte awmtir an ni.