Nancy Pelosi-i'n politics a chawlhsan tur thu puang

US politician langsar leh thawm nei lian ber zinga mi, House of Representative-a California Democrats member, kum 85 mi Nancy Pelosi chuan January 2027-a a term a zawh hunah inthlanah chuh a tum tawh lo tih a puang.

Pelosi hi US Congress lower chamber, House-a hmeichhia zinga Speaker ni thei hmasa ber niin, kum 2007-2011 leh 2019-2023 khan House Speaker a ni. Kum 2003-2023 chhung khan House-ah Democrats hruaitu a ni bawk a, hmeichhia zinga Congress chamber-a political party hotu ni thei hmasa ber a ni bawk a ni.

US president Donald Trump nena inhal tak an ni a, ṭawngkam na tak takin an inbei fo. House Speaker term hnihna a chelh chhung hian Donald Trump paihthlak tumna ṭum hnih, December 2019 leh January 2021 ah neih a ni a, mahse, Senate chuan a lo dang ve ve a ni.

Ningania video a tihchhuahah, Pelosi-i'n inthlan chuh zui tawh loa chawlh a tum thu a puan chu President Trump chuan lawmawm a tih thu a sawi a, 'hmeichhe sual tak' tia sawiin politics a chawlhsan chu ram tana a thiltih ṭhat tak a nih tur thu a sawi.