Islamabad-a thihchilh bomb puakah mi 12 an thi

Pakistan khawpui, Islamabad-ah Thawhlehni khan thihchilh bomb a puak a, mi 12 an thih bakah hliam 27 an awm.

Interior minister Moshin Naqvi chuan bomb tipuaktu hian district courthouse beih a tum a; mahse, a chhungah a lut thei lo a, pawn lamah minute 15 vel a nghah hnuah police car bulah a bomb pai chu a tipuak ta niin a sawi. He pawikhawihna thlenga inhnamhnawihte chu chhui chhuah a, hremna na tak pek an nih tur thu a sawi.

Prime minister Shehbaz Sharif chuan Islamabad-a bomb tihpuahnaah hian firfiak pawl, India-in a thlawpte an inhnamhnawih nia puhin, a dem thu a sawi. Mahse, India chuan Pakistan PM puhna hi thu dik lo leh awmze nei lo a nih thu a sawi thung.

Tualchhung media-te chuan Pakistani Taliban (TTP) aṭanga chhuak, Jumaat Ul Ahrar group tih niin an sawi a;mahse,TTP hruaitute chuan an pawlin inhnamhnawihna an neih loh thu an sawi.