China-a lei hawn thar a chim

China chhimthlang lam, Sichuan province-a lei, Hongqi Bridge chu leimin vangin Thawhlehni khan a chim ṭhen.

Hongqi Bridge lei hi central China leh Tibet inkalpawhna national highway-a awm a ni a, meter 758-a thui niin an hawnna pawh a la rei lo. Lei awmna bula tlang min chuan lei ṭhenkhat hi a tichhia a, a hnuaia tuipuiah a chim thla a ni. Chhiatna thlengah hian thi leh hliam an awm lo nia hriat a ni.

Tlang bul hnaih lama leiah hian khi a awm avangin Thawhṭanni chawhnu khan thuneitute chuan lei hi motor zawh theih lohin an lo dang tawh a ni. Chhiatna thleng chungchangah lei dawh danah thil fel tawk lo a awm nge, engineer lamin an tih dik loh tih chhui chian a ni dawn tih thuneitute chuan an sawi.