Kum tawp hmain US nena inbiakna neih kan duh: Ri Thae Song

Democratic People's Republic of Korea (DPRK)/ North Korea Foreign Affairs vice minister Ri Thae Song chuan kumin kum tawp hmain US nena inbiakna neih a duh thu a sawi. 

October thla tira Sweden khawpui Stockholm-a Pyong­yang nuclear programme chungchanga North Korea leh United States palaite darkar kua zet inbiakna an neihah khan, US palaiten an beisei loh lam ngaihdan an vawrh avangin North Korea lam chuan an inbiakna a titawp a ni.

Inbiakna hi neih leh theih a nih chuan October thla hnua Nkorea leh US inbiakna hmasa ber tur a ni. Nuclear programme chungchanga an inbiakna kha Ri chuan nakkuma neih tur US Presidential election atan leh NKorea mipuite tana 'trick ṭhing' tak a nih thu a sawi bawk.

US palaite hi an ngaihdan pangngai rawn kenga inbiakna neih pui a duh tawh loh thu Ri chuan sawi lang mah se, NKorea erawh langtlang taka inbiakna nei tura a inhawn reng thu a sawi lang zui a ni.