Greenland-in foreigners' rights khuahkhirhna siam

Khawvela thliarkar lian ber, Denmark hnuaia mahnia inrelbawlna hran, Parliament leh sorkar hran nei, Greenland chuan an thliarkar ram dang miten ram an neih dan turah khuahkhirhna a siam.

US investor-ten Greenland lam an ngaihven chhoh zel avangin, an ram humhalhna tur dan hi kar liam ta khan Parliament-ah an siam a ni. He dan siam hnuaiah hian Denmark mi ni lo leh foreign company-te chu Greenland-a cheng nghet leh, a hma kum hnih chhunga chhiah pe kim vek an nih chauhin in leh ram an nei thei dawn a ni. Denmark khua leh tuite tan erawh khuahkhirhna hi siam a ni lo thung.

Denmark chanchinbu, Politiken in kumin kumtir lama zirchianna a neihah, US investor-te chuan Greenland hi an ngaihvenin, ram neih an tum nasa hle niin a tarlang. Hei hi US president Donald Trump-a'n January thlaa lak luh a nih khan US chuan security kaihnawih atana leilung hausa bawk thliarkar an mamawh dawn tih a sawiin a nghawng a nih an ring. Dan thar siam hi Greenland tan bik chauh niin, Farae Islands leh Denmark ram a huam tel lo.