Iran-in US leh Israel vau

Iran Islamic Revolutionary Guard Corps Maj. Gen. Hossein Salami chuan US leh Israel-in thil pakhat pawh an tisual leh a nih chuan an beih let nghal tur thu a sawi. 

Ningani khan January 3-a US sipaiten drone missile hmanga an thah tak, Iran Islamic Revolutionary Guard Corps General Qassem Soleimani leh deputy commander Abu Mahdi al-Muhandis-te thah an nih aṭanga a ni 40-na puala hun hman a ni a, he hunah hian Gen. Hossein Salami chuan kalkhawmte hmaah US leh Israel vauna thu hi a sawi chhuak ta a ni.

Kar liam ta khan Iran Supreme Leader Ayatollah Ali Khamenei chuan Palestine sipaite puih a hreh loh thu a lo sawi tawh a, Trump peace plan chung changa Israel leh Palestine ram inkara khi awm mekah hian Iran chuan a ṭanlam chu Palestine a ni tih chiang takin an ram hotu lu thusawi aṭang hian a hriat theih a ni. Iran hian an ram sipai general US-in a thah sak avangin US laka phuba lak hi a chak reng a ni.