Congo-a lei chimah mi 32 an thi

Congo chhim chhak lam, Lualaba province-a copper leh cobalt laihchhuahna, Kalando mine-a lei dawh chu Inrinni liam ta khan a chim a, mi 32 an thi.

Lualaba province interior minister, Roy Kaumba Mahyonde chuan ruahsur nasa takin leimin a hlauhawm a, hei vang hian khur hnaiha kal lo tura hriattir an ni chungin hnathawktu eng emaw zat chu an kal lui niin a sawi. Khur awmnaah hian sipaite an duty a, silai an hmehpuah chuan hnathawktute hi tichiain lei lamah an tlanchhia a, innek buaiin lei hi a chim phah ta niin an tarlang. Khurah hian hnathawktu hrang hrangte an intihbuai fo avangin sipai hi hun rei tak aṭang khan dah an lo ni tawh a ni.

Congo hi khawvela cobalt siam chhuak tam ber ram a ni a, he mineral hi electric motor leh thil dang atana hman, lithium-ion battery siamna atana hman a ni. Hetih lai hian Congo rama cobalt siam chhuah zinga 80% chu China company-te thununna hnuaia awm a ni thung.