Uganda-a police leh tribal hel inbeihnaah mi 55 thi

Uganda ramah Pathianni khan tribal hel leh police-te an inkap a, tribal hel 41 leh police officer 14 an thi.

Police-te chua tribal pawl leh police-te inbeihna hmun hi an ram khawthlang lam, Rwenzori bial a nih thu an sawi a, buaina chhuak vang hian mi eng emaw zat man an ni a, an zingah hian tribal bial Rwenzururu Kingdom lal, Charles Wesley Mumbere pawh a tel. Uganda rama hian tribal hnam lal eng emaw zat an la awm a, an zinga ṭhenkhat chuan thuneihna sang tak an nei a ni.

Kumi February thlaa president atana Yoweri Museveni thlan tlin a nih hnu khan Rwenzori bialah hian buaina a chhuak fo a, police-te chuan tribal helte hian independent state nih tumin sorkar sipaite an bei niin an sawi. Pathianni khan tribal hel, inlakhran duhtute hian security force-te chu grenade, silai leh fei hmangin an bei a, police-te hian an lo kap let ve tih an sawi.