Syria sipaiten Aleppo-a district pahnih an la

Syria sorkar sipaite chuan helho kuta awm, Aleppo khaw ṭhenawma district pawimawh pahih an la let.

Syria sipaite chuan kar kalta khan Aleppo khaw chhak lama district pahnih chu an la let tih an sawi a, sipaite hian helho kuta khua awmte lak let tumin beihpui an thlak chhunzawm reng a ni.

Helho kut aṭanga an lak let hi Jabal Badro leh Baadeen distrct-te an ni a, hemi hma hian Hanano district pawh an lo la let tawh bawk. Sipaite hian Haidariya leh Sakhur district-te lak tumin an bei leh mek.

Syria khawpui lian pa≠hnihna, Aleppo-ah hian helpawl leh sorkar sipaite inbeihna avangin mi sing tel an thi tawh a ni. Khawpui hi hmun hnihah inṭhenin, khawchhak lam bial chu helhoin an awp a, khawthlang lam chu sorkarin a thunun thung.

UN children agency (UNICEF) chuan July 17 aṭanga sorkarin helho awmna biala beihpui a thlak avang hian mi tam tak chu chhawmdawl an ngai tih an sawi a, ei tur leh damdawi lam inenkawlna mumal an dawng lo a, an zingah hian naupang nuai nga dawn an tel niin an sawi.