US Senate-in Trump thuneihna Khuahkhirhna tur bill pass

US president Donald Trump-a'n Congress pawm­puina tel kher loa Iran laka indo puanga tura thuneihna a neih khuahkhirh sakna tur bill chu Senate-ah pass a ni. 

Senate hi Trump party, Republican party chakna ni mah se, President thuneihna khuahkhirhna tur bill siam thlawp lamah vote 55 a tla a, a thlawp lo lamah vote 45 a tla thung. House of Representatives chuan January thla khan a lo pass tawh bawk. 

Kumin January thlaa president Trump-a'n Iran general that tura thupek a tihchhuah hnuah, House-ah hian ngaihtuah nghal a ni. He bill-ah hian president Trump chuan Iran lakah sipai chakna hman a nih dawn chuan Cong­ress a rawn hmasak phawt a ngai tawh ang, tih a ni. 

House leh Senate-in bill hi pass mah se, Trump chuan a veto hmangin a lo hnawl leh tho rin a ni thung. Trump chuan he bill hi pawm a nih chuan, Iran lakah America a him loh zual phah dawn a ni.