Trump-a’n US-Cuba inremna tihtawpah a vau

US President-elect Donald Trump chuan US leh Cuba-teín inremna an siam chu Cuba ram mipuite tana ṭha zawka siam a nih loh chuan tihtawpah a vau.

Donald Trump chuan hemi chungchang hi a Twitter-ah tarlangin, ìCuba hian Cuba ram mipui, America mipui leh US tana inremna ṭha zawk siam a duh a nih loh chuan, he inremna hi ka titawp angî, a ti.

Kar kalta Inrinni khan Trump chuan thuchhuah siamin, January 20-a US President atana lakluh a nih hnuah, a kaihhruai sorkar chuan Cuba mipuite zalenna leh hamṭhatna an chan theihna turin a theihtawp a chhuah tur thu a lo sawi tawh a ni. President-elect transition team chuan Trump hian Cuba mipuiten harsatna an tawhte dante a hriatpui a, hei vang hian President a nih hunah hemi chungchang hi buaipui a tum tih a sawi.

US leh Cuba te hi inkar boruak hi hun rei tak a chhiat hnuah, kum 2014 khan US President Barack Obama leh Cuba President Raul Castro-te chuan an inkar boruak siamṭha turin inremna an ziak a, palai pawh an intir tawn leh tawh a ni.