China leh Japan ram aiawhte inbia

Japan prime minister Sanae Takaichi-i'n tun hnaia Taiwan chungchanga a thusawi avanga China nena inkar boruak chhia siamṭhat tumin, Thawhlehni khan Beijing-ah ram pahnih aiawhte an inbia.

China foreign ministry-a Department of Asian Affairs director general, Liu Jinsong leh Japan foreign ministry-a Asian and Oceanian Affairs Bureau-a director general Kanai Masaaki te chu inbiain, China hian an ram kaihhnawiha Japan PM-in thu dik tawk lo leh buaina thlen thei zawnga thu a sawi chu sut turin an phut a ni. Japan chuan an tih dik loh chu siamṭhain, China mipui hnenah chiang takin a hrilfiah tur a ni, a ti. China hian Taiwan hi a ram chinah a ngaih avangin, Taiwan chungchanga Japan PM lo ṭawng chu an ramchhung inrelbawlnaa inrawlhah an puh a ni.

Japan PM hian November 7 khan parliamentary committee hnenah November 7 khan Japan prime minister, Sanae Takaichi chuan China-in Taiwan awp tuma a bei a nih chuan Japan inrawlhin, an sipaite tirh an ni ang tiin a sawi a ni. A thusawi hi China chuan a helh hle a, an inkar boruak pawh a chhiat phah zui hle. Japan rama zin lo tura an mi leh sate an chah avangin Japan-a zin tum nuai telin an ticket an refund tawh a ni.