Mexico-in ruihhlo tawlhru pawl laka beihpui thlak rawtna hnawl

Mexico president Claudia Sheinbaum chuan US president Donald Trump-a'n Mexico rama ruihhlo tawlhru ṭhin pawl laka US sipaite beihpui thlak tir a rawtna chu a hnawlsak.

Donald Trump chuan an rama ruihhlo tawlh lut ṭhin dang turin a theih ang apiang tih a inhuam thu a sawi a, Mexico ramah ngei a sipaite pawh tirh mai a duh thu a sawi. Mahse, Mexico President chuan hetiang thil hi a thleng dawn lo tih a sawi.

"Trump chuan ṭum eng emaw zat misual pawl bei tura US sipaite inrawlh tir a rawt tawh. Mahse, ruihhlo tawlhtu pawlte beihnaah information inpe tawnin kan thawk ho thei ang tih a hrilh. Kan ram chhungah keimahni ngeiin hma kan la thei a, ram dang sorkar inrawlh kan remti lo," tiin Sheinbaum chuan a sawi. A ngaihdan hi Trump leh US secretary of state Marco Rubio pawh hrilh tawhin, an hrethiam hle niin a tarlang.