Fidel Castro hriat-rengna hun hmang

Cuba ram hruaitu hlui, Fidel Castro hriatrengna inkhawm chu Thawhlehni khan an ram khawpui, Havana-a Revolution Square-ah neih a ni a, Latin America leh Africa ram hruaitu eng emaw zat an tel.

Fidel Castro hi kum 90 mi niin kar kalta Zirtawpni khan a thi a, Havana-ah hriatrengna inkhawm buatsaih a nih hnuah nimin
aṭang khan a vap chu an ram chhung fankualpui a ni a, December 4, Pathianni hian khawchhak lam khawpui, Santiago-a Ifigenia Cemetery-ah phum a ni ang.

Revolutionary Square-a Castro hriatrengna inkhawm buatsaihah hian mi tam tak an pungkhawm a, National Library bangah a thlalak lian tak tar a ni bawk.