Balochistan court-in Musharraf manna tur tichhuak

Pakistan-a Balochistan High Court chuan an ram president hlui, General Pervez Musharraf-a chu kum 2006-a Baloch nationalist leader Nawab Akbar Khan Bugti thahna kaihhnawihah manna tur thupek a tichhuak.

High Court divisional bench chuan Anti-Terrorism Court in kum 73 mi, President hlui thiam a chantir chungchang ngaihtuah ṭha tura petition thehluh a ngaihtuah hnuah thupek hi a tichhuak a ni. Petiton hi Akbar Bugti-a fapa, Nawabzada Jamil Bugti-aín a thehlut a ni.

Petition ngaihtuahnaah hian Musharraf-a security thil avangin a inlan thei lo a, hei vang hian court chuan thuneitute hnenah Musharraf-a hi court-a a inlan dawn chuan venhimna ṭha tawk pe turin a hriattir.

Baloch leader Nawab Akbar Bugti hi kum 2006, August 26 khan Kohlu district, Taratani-a sipaiten beihpui an thlaknaah thah a ni a, thah a nih vang hian ramchhung hmun hrang hrangah lungawi lohna lantir a ni.