Mitt Romney-a’n Trump a fak

US Republican presidential candidate zinga mi, Masschussets govern hlui Mitt Romney chuan US President-elect Donald Trump chu fakin, an ram dinhmun ṭha zawk siam tura hruai theitu tur a ni, a ti.

Party president candidate chuha an inbeih laiin Romney leh Trump-te hi ṭawngkam na tak takin inbei mah se, Romney chuan President atana Trump-a thlan tlin a nih hnua Trump-aín America mipuite inpumkhatna tura a thuchah siamte chu a fak thu a sawi a, a lakah beisein a nei sang hle tih a sawi.

Mitt Romney leh Donald Trump hian Thawhlehni khan Manhattan-a Trump hotel-a French restaurant-ah zanriah an ei a, Republican National Committee Chairman Reince Priebus pawh a tel ve a ni.

Donald Trump hian a cabinet member turte a ngaihtuah mek a, Secretary of State tura hming lam zingah Mitt Romney pawh hi a tel a ni. Mahse Trump-a thlawptu tam zawk chuan Romney dah hi an duh lo thung. Secretary of state tura sawilan zingah hian Senator Bob Corker, Senate Foreign Relations Committee chairman ni lai pawh a tel.