Madagascar presidential palace-ah emerald kg 300 a rit hmu chhuak

Madagascar thuneitute chuan presidential palace-ah lunghlu hring, emerald thuhruk, kg 300-a rit an hmu chhuak tih an sawi.

He lunghlu hi lilam tum a nih thu leh, a hralhna sum chu sorkar sumah a luh vek tur thu mines minister Carl Andriamparany chuan a sawi a, emerald chu international market-ah gram khat chu USD 80 man a nih thu a tarlang bawk.

President Michael Randrainirina chuan presidential palace-ah ro hlu tak mai an hmuh chhuah thu hi TV-ah sawiin, "Eng vanga thuruk nge tih kan hre lo. Mahse, langtlang takin engkim kan kalpui zel dawn a ni," a ti. Randrianirina hi president hlui, Andry Rajoelina kaihhruai sorkar paihthlak a nih hnuah thla hmasa khan president atan lak luh a ni a, a kaihhruai sorkar chuan ram dangte nena inlaichinna ṭha siam turin theihtawp a chhuah dawn tih a tarlang.

Emerald hi presidential palace-ah hian kum 2009 vel aṭang khan a awm tawh a, an ram rohlu pakhat a ni tih sorkar hmasaa senior adviser, Soalihya Mosa chuan a sawi. Hetihlai hian official-te chuan sorkar document-ah he lunghlu chungchang tarlanna engmah a awm loh thu an sawi ve thung.