Brazil-a COP30 summit neihnaah kangmei chhuak

Brazil rama Belem khawpuia COP30 climate summit neihnaah Ningani khan kangmei a chhuak. Palaite hmun him lama sawn chhuah an ni a, inbiakna neih pawh chawlh lailawk a nih phah bawk.

Kangmei hi exibition pavilion-a microwave aṭanga chhuak nia hriat a ni a, chaw chhun ei zawh hnu chawhnu dar 2 vela chhuak a ni. Kangṭhelhtuten rang taka ṭhelhin mi 19 chu meikhu an hip luh nasat avangin enkawl an ni tih a sawi. Kangmei chhuahna hun hi khar nghal a ni a, fire department lamin an enfiah hnuah zan dar 8.40 ah an hawng leh a ni.

Summit neihnaah hian a hmain tualchhung miten nawrh huaihawtin, a luhnate an lo dang tawh bawk.