Israel-in Gaza-ah an sipai ruang thurukna tunnel hmu chhual

Israel Defence Forces (IDF) chuan Gaza Strip-a Hamas-ten Israel sipai, lieutenant Hadar Goldin ruang an lo thuhrukna leiverh chu an hmu chhuak. Lieutenant Goldin hi 2014 Israel-Hamas indo laia Gaza-a thah a ni a, tun thla tir khan a ruang hi Israel hnenah hlan a ni.

IDF chuan hun rei tak Hamas-in Goldin ruang an lo dahna leiverh hi Rafah-a UNRWA (the United Nations Agency For Palestinian Refugees) compound, mosques, clinics, leh kindergartens hnuai kaltlanga siam a ni tih an sawi. Hamas te hian ralthuam chhekna atan te, Israel beihna tur ruahmanna atan leh bihrukna atante an hmang ṭhin niin a tarlang. X-ah an leiverh hmuh chhuah video pawh hi an dah lang bawk.

Leiverh hi km 7 chuanga thui a ni a, room 80 a awm. Elite Yahalom combat enginering unit leh Shayetet 13 naval commando unit ten an hmu chhuak a ni. Hamas commander-ten an hman ṭhin room-te pawh a awm.