Nigeria school aṭangin mi 315 ru bo

Nigera rama Papiri state-a Catholic school chu kar liam ta Zirtawpni khan silai keng mi eng emaw zatin luhchilhin, zirlai 303 chuang leh zirtirtu 12 an ru bo.

Christian Association of Nigeria chuan misualten an beih hi St Mary's School a ni tih an sawi a, an ram huna Zirtawpni zing dar 2 velah school hi an luhchilh niin an tarlang.

Nigeria ramah hian armed group-ten school an beih leh zirlai an rukbo hi a thleng fo a; mahse, tun ṭum hi ṭum khata rukbo an tam ber zinga mi a ni. Kum 2014 khan Chibook-ah a rualin mi 276 rukbo an lo ni tawh bawk. Zirtawpnia zirlai rual rukbo hi kar liamta chhunga a ruala mi rukbo a thlen vawi thumna a ni. Thawhṭanni khan zirlai hmeichhia 20 chuang chu Kebbi state aṭangin rukbo a ni a, Kwara state-a biak-in beih niin mi 38 rukbo an ni bawk. Armed group-te hian sum hmuhna atan mi an rubo fo a, an mi rukbote tlanchhuahna atan hian sum an phut ṭhin a ni.

Thuneitute chuan intelligence lam aṭangin armed group ten an beih a hlauhthawnawm avangin boarding school-te khar vek tura thupek tihchhuah a ni tawh a, mahse St Mary's School hian thupek hi an zawm lo tih an sawi. Hemi chungchangah hian school lam chuan thuchhuah engmah a la siam lo thung.