Vietnam tuiliana thi mi 90 tling tawh

Vietnam rama tuilian vanga thi chu nimin thleng khan mi 90 an tling tawh a, chin hriat lohin mi 12 an la awm tih Environment Ministry chuan a sawi.

October thla tawp lam aṭang khan Vietnam ramah hian ruah nasa takin a sur a, tuilian leh leimin a thleng nasa hle a ni. Tuilian hian ziaawm lam a pan thei lo a, kar liam ta khan tuipui kama hua, Nha Trang khawpui chu tuiin a chim leh nasa hle. Hei bakah Da Lat tourist hub chhehvelah pawh leimin nasa tak a thleng leh bawk.

Environment Ministrychuan Lak Lak leh province dang paliaah kar hmasa chhung khan buh leh thlai dang chinna, ram hectare 80,000 chuanga zau chu tuiin a chim a, ar leh ran vulh dang mtd 3.2 chuang chu tuilian vangin an thi tawh bawk niin a tarlang.

Tuilian leh leimin vangin hmun tam tak tlawhpawh theih lohin an awm a, heng mite ei turte chu helicopter hmangin an thlak a ni. Sorkar chuan thawmhnaw, tui tihthianghlimna, instant noodle leh an mamawh dang pe turin mi eng emaw zat a tirchhuak bawk.

Kar liam ta aṭang khan chhungkaw 129,000 vel chu electric supply nei loin an la awm. Minsitry chuan province pangaa tuilian leh leiminin chhiatna nasa tak a thlen avanga an sum hloh chu USD mtd 343 vel a tling niin a chhut.