Syrian raltlan maktaduai vel Lebanon aṭangin an kir tawh

Syrian raltlan maktaduai khat dawn chu Lebanon aṭangin nikum June thla aṭang khan an let leh tawh niin an ram chanchinbu lar tak leh sorkar thlawptu al-Watan chuan nimin khan tarlang.

Minister of local adminstration Hussain Makhlouf chuan chan­chinbua thu inziak chungchang hi sawilangin, sorkar hmalakna vang a nih thu a sawi. "President Bashar al-Assad chuan ministry zawng zawngte chu raltlan lo let lehte a 

ṭul anga ṭanpuia, nun thar an ṭan leh theihna tura hmalakpui turin a ti," tiin a sawi a ni. 

Al-Watan hian tunhnaiah ringawt pawh raltlan 1,400 vel an lo kir leh tawh tih an tarlang bawk. Lebannon-a UN High Commi­ssioner for Refugees-ah chuan Syrian mi maktaduai khat chuang an inziak lut a, mahse Lebanon sorkar chuan Syrian raltlan an rama lut zat tak tak erawh chu maktaduai 1.5 chuang an nih thu an sawi thung.