Pakistan-in an ram rohlu hman tawh lohte hralh tum
Pakistan prime minister Imran Khan khaihhruai sorkar chuan an ram rohlu hman tawh lohte chu 'Dubai Expo'-ah hralh tum a nih thu a tarlang.
Heng an ram rohlu hman tawh lohte hralh tum a nih chhan hi Pakistan-in a pawisa mamawh a phuruk theih nana tih a ni. An hralhna pawisa chu ram mipuite tana hman a nih tur thu leh, 'Dubai Expo'-ah ramdang mite hip nan leh Pakistan-a investor liante hip an nih theih nan hralh a nih tur thu tarlan a ni bawk.
"Sorkar hmasa khan heng ram rohlu hman tawh lohte hi, kan ramin a mamawh phuhrukna turin hralhna chang a hre lo a, hei vang hian kan ramin kumtinin cheng vaibelchhe chuang a hloh phah ziah a ni," tiin Khan chuan an thil hralh tur chungchang a sawi.
Kumin July thla khan International Monetary Fund (IMF) chuan kum thum chhung atana rulh turin Pakistan hnenah loan US dollar vaibelchhe 6 a puk tir a, nikum August thla khan IMF hnen aṭang hian ṭanpuina sum a lak bakah, China, Saudi Arabia leh UAE aṭangin a la nual bawk a ni.