Nepal Supreme Court building beihnaa inhnamhnawih mi 5 man

Nepal police-te chuan kumin September thlaa Gen Z kaihhruaia nawrh huaihawt laia Supreme Court building suasam leh halnaa inhnamhnawih, mi panga chu Thawhṭanni khan man an ni tih an sawi.

Superintendent of Police Pawan Kumar Bhattarai chuan Kathmandu-a press conference a neihah pawikhawihtute man an nih thu hi puangin, building halnaa inhnamhnawih dangte pawh finfiah an nih hnuah police-te chuan an hming an puangzar dawn tih a sawi bawk.

Nawrh huaihawt lai khan sorkar building pawimawh dangte pawh beih tel a ni a, sorkar building pawimawh 66 hal a ni. Supreme Court building ṭhenkhat hal a nih avang hian kar eng emaw zat chu hna thawk thei loin an awm phah. Tun hnaiah hna hi an thawk ṭan leh thei chauh a ni.