Yemen Indona: US-in Houthi helte firfiak pawlah puan tum

Yemen ramchhunga buaina kal zelah US chuan Houthi helte chu firfiaka puan a tum.

US  Secretary of State Mike Pompeo chuan hemi chungchang hi sawiin ramri kana inbeihna thleng, tualchhung mi tam tak tana harsatna thlentuah Houthi-te hian mawh an phur tih sawiin, an thawhpui Iran nen an pawikhawihna chu tihtawp an tum dawn tih a sawi a ni.

Houthi helte hi firfiak pawla puan an nih chuan Yemen ramchhunga buaina chu a punlun zawk US Congress member-te chuan an hlau thung a, UN peace talk kal mek chu a chawk buai zawk dawn nia ngaiin an rama harsatna thleng chu a zual phah an hlau thung.

Mike Pompeo hian US ram huna Pathianni zanlai hma deuh khan hemi chungchang thuchhuah hi a siam a, State Department chuan Congress hnenah Houthi helte firfiaka puan an tum chungchang hi a la hriattir dawn tih sawiin, Abdul Malik al-Houthi, Abd al-Khaliq Badr al-Din al-Houthi leh Abdullah Yahya al Hakim-te pawh global terrorist-a puan an tum tih a sawi a ni.