IS-in Iraq khawchhak lamah mi panga an that
Iraq eastern province-a Diyala-ah Thawhṭanni khan Islamic State (IS) firfiakte chuan mi panga an that a, thi zinga pahnih hi Iraq sipai niin pathum dang chu paramilitary Hashd Shaabi member an ni.
IS firfiakte hian hmun hnih an bei a, pakhat zawkah chuan sipai pahnih an thah bakah sipai dang pakhat an hliam bawk. Hei hi provincial capital Baquba-a thil thleng niin Baghdah hmar chhak lam km 65 vela hlaa awm niin provincial police-te chuan an sawi.
Firfiak zawn hna hi an thawk lehnghal niin police-te chuan an sawi bawk a ni. Inbeihna pakhat zawkah hian Hashd Shaabi member pathum an thi tih tarlang bawkin hliam an awm thu erawh tarlan a ni lo. Iraq-ah hian kum 2017-a IS firfiak hneh an nih thu puan a nih aṭang khan firfiak pawikhawihna hi a tlem sawt hle a, mahse firfiakte hian a khat tawkin beihpui an la thlak reng a ni.