Oman-in Crown prince hmasa ber nei dawn

Sultan of Oman Haitham bin Tariq Al Said chuan Thawhṭanni khan an ram danpui chu her danglam hret a nih thu sawiin, chung zingah chuan an ramah a vawi khatna atan crown prince ruat a ni dawn tih official Oman News Agency (ONA) chuan an tarlang.

An ram danpui siam ṭhatah hian crown prince ruat leh an mawhphurhna tur siam hi a tel a, mahse news agency hian tunge an crown prince thar tur chu ni dawn tih an tarlang tel lo thung. ONA hian an ram dan tharah hian mipa leh hmeichhe intluktlanna chungchang pawh a tel tih an tarlang tel bawk. Sultan Haitham hi nikum khan a cousin Sultan Qaboos thih vangin Oman-ah hian roreltu a ni.