Hong Kong-a kangmei chhuah chhan chhui tur commission din dawn

Hong Kong chief executive John Lee chuan November 28-a Wang Fuk Court housing complex-a kangmei nasa tak chhuak chungchang chhui chiang turin, judge kaihhruai independent commission din a ni dawn tih a puang.

Wang Fuk Court complex-a chenna in building pariat zinga pasariha kangmei chhuak vang hian mi 151 an thi a, chenna nei loin mi 4,600 chuang an awm a ni.

Kangmei chhuah lai hian Wang Fuk Court-a building-te hi chei ṭhat mek an ni a, thuneitute chuan plastic leh insulation foam an hmante chuan kangmei hi a tidarh chak niin an sawi. Hei bakah infrastructure-a mau an hman chu a kan chak phah nia sawi a ni bawk.

John Lee chuan hetiang chhiatna rapthlak tak a thlen tawh lohna turin, kangmei chhuah chhan leh a darh chhan bakah, a kaihhnawih thil dangte chhui chian a ni dawn tih a sawi.

Police leh anti-corruption hotute chuan kangmei chhuak kaihhnawihah mi 14 an man tawh a, an zingah in chei ṭhat hna thawktu company-a director leh engineering consultant pawh an tel.