Russia-in visa ngai loin China mite an rama zin phalsak

Russia president Vladimir Putin chuan visa ngai loa Russia rama China mi zin phalna dan an siam thar chu Thawhṭanni khan a hming a ziah hnan a, hemi ni aṭang hian he dan thar hi hman a ni nghal bawk.

Russia dan siam thar hnuaiah hian China mi, People's Republic of China passport neite chu zin khawthawn emaw, sumdawnna thil emawah pawh visa ngai loin Russia-ah ni 30 aia rei lo cham turin, Russia-a an zin phalsak an ni. Mahse, hei hian hna thawh tur leh zirlaite a huam tel lo thung.

Visa-free policy siam thar vang hian Russia ramah China khualzin kal hi 30-30% vela an pun beisei a nih thu Russian Association of Travel Aggregators director, Alexander Bragin chuan a sawi. Russia rama khualzin lut tam ber hi China aṭanga kal an ni a, Ministry of Economic Development chuan an policy thar hnuaiah nakkum kumtir lamah China aṭangin khualzin maktaduai hnih chuang an awm theih an beisei tih a sawi.

China hian kumin September 2 khan kum khat chhung enchhin tur atan, Russia mi khualzinte chu visa ngai loa an rama ni 30 chin an awm theihna tur policy a lo siam ve tawh bawk a ni.