S-Korea-in stalker-te awmna hriat theihna app siam

South Korea thuneitute chuan enthlak leh zui ruk tawk tute tan, anmahni enthlatute awmna hmun dik tak 'real-time location' hriat theihna mobile app an siam. App thar siam hi South Korea justice minister chuan Nilaini khan puangin, an rama electronic monitoring law-in a pawmpuina hnuaia siam a nih thu a tarlang.

Mi enthlak leh zui ruk hi South Korea-ah hian vantlang buaina tawh nasat niin, a bikin nihna sang nei leh pawikhawihnaa inhnamhnawih tawhte chungah a thleng nasa zual a ni. App thar hmang hian enthlak tawktute chuan message hmangin an mahni zuirutute an bulhnaia an awm tih hriattirna an dawng thei dawn a; map hmangin an awmna hmunte thlengin a hriat theih vek dawn bawk.

Thuneitute chuan enthlatu leh zui rutute chu electronic thil an inbelte hmangin an awmna hi an hre thei dawn a ni. Kum 2021 khan South Korea chuan anti-stalking law chu lo duang tawhin, he dan hmanga man tawkte hi Korean won mtd 30 chawitir leh kum thum lungin tan thlengin a hrem theih a ni.