France, Germany, UK-in Ballistic missile siamah Iran puh

France, Germany leh United Kingdoms ambassador-te chuan United Nations (UN) ah joint letter thehlutin, Iran chuan nuclear ralthuam phur thei ballistic missile siamah an puh. UN-ah lehkha an thehluhah hian kumin April thlaa social media-a lama darh, Iran-in Sha­bab-3 medium-range ballistic missile test flight footage pawh an dah tel a, he missile a enchhin hi nuclear ralthuam phur thei a ni thu an sawi a ni. 

"Shabab-3 booster, test flight neihnaa hman hi Missile Technology Control Regime category-1 system a ni a, hei hi nuclear ralthuam phur thei a ni," tiin an lehkhaah hian an ziak. Hei hian Iran nuclear deal, Joint Comprehensive Plan of Action (JCPoA) an ziah tak kalh a ni tih an tarlang bawk. Mahse Iran chuan an puhna hi a pha nghal thung a, thudik lo a nih thu a sawi.