Angela Merkel-in Nazi Concentration Camp a tlawh

Germany Chancellor, Angela Merkel chuan nimin khan Poland rama Nazi Concentration Camp, "Auschwitz-Birkenau Memorial" chu tlawhin, he museum ṭanpui (donation) nan euro maktaduai 60 a pe. "Auschwitz-Birkenau Memorial" hi museum a nih bakah Indopui 11-na hunlai Nazi hoin Juda mi an thah, mi maktaduai 1.1 vel an khungna hmun kha a ni.  

Auschwitz foundation hmanna­ah hian Angela Merkel hi sawm a ni a, ani bakah hian Poland prime minister Mateusz Morawiecki, Jewish organizations hrang hrang hruaitute pawh an tel. Merkel hian donation an pek chanve hi Germany federal government aṭanga pek lej, a dang chu regional government aṭanga pek a nih thu a sawi.  

German-in ṭanpuina pawisa an pek hi he memorial thawmṭhat nan leh barrack sak belh nante, choka siam nante leh vantlang zunram thiarna siamna bakah leh  ṭul dang atan tea hman tura tih a ni.