UN Security Council member-te'n chak zawka thawhho rel
United Nations (UN) Security Council member ram aiawh ṭhukhawmte chuan Ningani khan venhimna kawnga chak zawk leh ṭha zawka thawhho an rel.
UNSC member-te hian US president Donald Trump sawmna angin Ningani khan White House-ah chawhchhun an ei a, he hunah UNSC member ram aṭangin ambassador 18 kalkhawmin; heng ramte hi nakkum lamah pawh UNSC member ni an nih leh rin a ni bawk.
China Ambassador to the UN Zhang Jun chuan UNSC member ramte chuan UN thuam chakna kawngah mawhphurhna lian tak an nei tih sawiin, inlungrual leh chak taka thawhhona kawnga mawhphurtu an nih thu a sawi. Khawvela remna leh muanna a awm nan te leh venhimna leh hmasawnna a awmna tur pawhin mawh an phur tih a sawi bawk a ni.
Donald Trump pawhin thu sawiin, "Kan ramte hian venhimna kawngah harsatna hrang hrang a tawk a ni, chung zingah chuan firfiakna te, ruihhlo tawlh ruk te, dan loa ramchhunga lut te, cyberattack te leh nuclear, chemical leh biological ramthuam chungchangte pawg a tel. Heng lakah leh khawvel tana hlauhawm thleng thei hrang hrang lakah hian hma kan lak a ngai a ni," tia sawiin UN chuan theihna nasa tak a neih thu a sawi bawk.