Mediterranean tuipuia lawng chesualah mi 18 thi

Greek thuneitute chuan Inrinni khan thuchhuah siamin, Crete chhimlam thliarkara Mediterranean tuipui kan tur, inflatable lawng chu chesualin, mi 18 an thi tih an sawi.

Lawng hi a chanve tuipuiah pilin, Inrinni khan Turkey sumdawng lawngin a hmu tih thuneitute chuan an sawi. Lawnga chuang zingah damchhuak pahnih chhanchhuah an ni tawh a, chhanchhuahna hna thawh chhunzawm zel a ni bawk.

Greece hi Middle East, Africa leh Asia-a buaina chhuak leh retheihna avanga tlanchhiaten European Union-an luh tamna hmun a ni a, thihna thlen thei chhiatna a thleng fo a ni. Turkey tuipui kam aṭanga a bulhnai Greek thliarkarah inflatable dinghies emaw, lawng tê dinhmun ṭha tawh lo an hmang nasa hle. Tun hnai thla engemaw zat liamta khan Libya aṭanga Crete-a lut an pung nasa hle bawk a ni.

Thuneitute chuan lawng chu khawi lam aṭanga lokal nge tih an la sawi loa, chhanchhuah hna hi European border agency Frontex, Greek Coast Guard helicopter leh sumdawng lawng pathumte chuan an thawk a ni.