Pakistan spy hotu hlui kum 14 tang turin hrem

Pakistan military court chuan an rama spy hotu hlui, Lt Gen (Retd) Faiz Hameed chu nimin khan hrehawm taka kum 14 tang turin a hrem.

Military public affairs wing, ISPR chuan Hameed hi service rules vawi tam tak bawhchhia a, dan loa a chet ṭhin avangin Pakistan Army Act hnuaiah thubuai siamsak a ni tih a sawi. Field General Court Martial (FGCM)-ah kum 2024, August 12 aṭang khan a thubuai ngaihtuah ṭan a ni a, thla 15 chuang ngaihtuah a nih hnuah thiam loh chantirin, a hremna tihchhuah a ni ta a ni.

ISPR hian a thubuai ngaihtuah chhungin Hameed hi danin a phal ang a chanvo chu pek vek a ni tiin, defence team tur pawh ama duh thlantir a ni, a ti. Hremna pek pawh hi a appeal thei tih an sawi bawk.