Myanmar sipaiten hospital an bomb

Myanmar sipaiten Rakhine state khawthlang lam, Mrauk U khuaa hospital chu Nilaini zan khan thlawhtheihna aṭangin an bomb a, mi 31 an thi niin chhawmdawl hna thawktuten an sawi.

Inthlanpui nei tura an inbuatsaih mek karah, Myanmar sipai leh sipai sorkar dodaltu pawlte chu hmun hrang hrangah an la inbei chhunzawm reng a ni. Inthlan hi December 28 aṭangin an nei dawn a, mahse, helpawlte chuan an thununna bial chhungah inthlan hi an dang dawn tih an sawi.

Chhawmdawl hna thawktu, Wai Hun Aung chuan Nilaini zan khan Mrauk U-a general hospital chu sipai thlawhtheihna hmanga bomb a nih thu a sawi a, mi 31 an thih bakah hliam 68 chuang an awm tih a tarlang. Thi zat pawh hi an la pun a rin thu a sawi bawk.

Rakhine state hmun tam zawk hi Arakan Army (AA) thununna hnuaia awm a ni. AA hi sipai sorkar dodaltu pawl pathum intelkhawm, "Three Brotherhood Alliance" ah a tel ṭhin. Mahse, pawl dang pahnihte hian China hmalakna hnuaiah sipai sorkar hi inremna an ziahpui tawh a ni.