SKorea Media Regulator nominee-in tleirawl tan social media khuahkhirhna siam duh

South Korea sorkarin broadcast and media commission hotu atana a rawt, Kim Jong-cheol chuan Thawhlehnia Parliament-a a inlannaah, hotu atana pawm a nih chuan an rama tleirawlte tana social media khuahkhirhna siam tura hma lak a tum thu a sawi a, hei hi kum naupang zawkte venhimna atana thil pawimawh a nih thu a sawi.

Kim chuan media commission in a tum ber chu boruak ṭha leh zalen tak hnuaia mipuite inbiakpawh chu a ni tiin, Australia in tun hnaia social media hmang tur tana kum bihthliah siam a, khuahkhirhna dan an siam chu thil ṭul a ni, a ti. Social media kaihhnawih thil ṭha lo tak tak laka kum naupang zawkte venhim chu thil pawimawh leh an tum ber tur a ni tiin, hemi kawnga hma lak ngei a tum thu a sawi.

Australia sorkar chuan kum 16 hnuai lama social media hman khapna dan a siam chu a hmang ṭan tawh a, sawisel tawk an awm laiin ṭha titu tam tak an awm. Ram dang eng emaw zat pawhin social media hmang thei chin kum bithliah siam tumin hma an la ve mek bawk.