Australia-in inhuatna chawk chhuak thei sawite hremna dan siam dawn

Australia prime minister Anthony Albanese chuan mipuia inhuatna leh inṭhendarh lam thlen thei leh, tharum thawhna chawk chhuak thei zawnga thu sawite hrem theihna tur dan siam a ni dawn tih a sawi.

Pathianni khan Australia-ah hian Juda kut pawimawh, Hanukkah hmangtute chu silai hmanga pawng kah an ni a, mi 15 an thi a ni. He pawikhawihna a thlen hnuah sorkar chuan dan siam thar a nih tur thu hi a puang a ni.

Dan siam thar hian online lam pawh a huam tel dawn a;tharum thawhna lam thlawp zawnga thu sawi sakhaw pawl hruaite pawh a huam tel vek ang. Australia rama pawikhawihna thleng hi Juda huatna lam hawi thusawi leh thiltih awm foin a nghawng tel nia ngaih a ni.

Albanese chuan Jewish Australian-te chuan him takin an awm tur a ni tiin, ram tana an tha thawhna hrang hrangah ngaihhlut leh zah tlak an ni, a ti. Pawikhawihtute chu firfiak pawl, ISIS in a kaihhruaite an ni tiin, Austrialia mite chu inhuattir an tum tih a sawi.