UN refugee agency hotu atan Iraq president hlui Barham Salih thlang

United Nations General Assembly chuan Ningani khan Iraq prime minister hlui, Barham Salih chu UN refugee agency hotu atan a thlang. Kum 1970 hnuah refugee agency hotu atana Middle East lam mi ruat a nih vawi khatna a ni.

Member 193 awmna, UN chuan secretary-general Antonio Guterres-a'n a rawt, kum 65 mi Kurdish politician hi UN high commissioner of refugees atan lungrual takin an thlang a ni. Guterres chuan Salih chu political leh administration lama hruaitu tawnhriat nei ṭha tak a nih thu a sawi.

Kum 1979-ah khan Salih hi kum 19 mi chauh a nih laiin hetih hun laia an ram hruaitu, Saddam Hussein-a kaihhruai Baath Party chuan manin, ni 43 chhung an lo hreng tawh a ni. Chhuah a nih hnuah high school zir zoin, UK-ah a tlanchhia. Kum 2003-a Saddam-a paihthlak a nih hnuah, Iraq-ah kirin sorkarah chanvo pawimawh tak tak a chelh zui a, kukm 2018 khan Iraq preient atan thlan a niin, kum 2022 thleng ram hruaitu dinhmun hi a chelh.

Salih hian refugee agency hotu ni mek, kumin December 31-a chawl tur Filippo Grandhi a thlak dawn a, nakkum January 1-ah a hna thar hi zawmin, kum nga term tur a ni ang.