Mexico President in bula inkahna thlengah mi pali an thi

Mexico City-a Mexico Pre­sident Andreas Manuel Lopez Obrador chenna in bulah Inrinni khan inkahna a thleng a, mi pali an thi a, midang eng emaw zatin hliam an tuar. 

Silai keng mi pakhat chu Inrinni khan Mexico President official residence, National Palace bula in pakhatah lutin inthiarna tur a zawng a, he buildinga chengte an lo hauh chuan a pistol ken chu lachhuakin a pawng kah a ni. Mi pathum a kaphlum a, mi pali a kaphliam bawk. Inkahna thlenna hmunah hian police-te kal nghalin, pawikhawihtu hi police-ten an kaphlum zui ve leh bawk. 

Pawikhawihna a thlen lai hian Mexico President hi a inah hian awm lo a ni.