North Korea-in missile enchhin leh

Korean Central News Agency (KCNA) chuan North Korea-in Sohae Satellite Launching Station aṭangin, missile enchhinna a neih thu nimin khan a tarlang.

Missile an enchhin hi eng missile nge a nih tih leh a chanchin kimchang tarlan a ni lo. Missile expert ṭhen­khatte chuan Nkorea-in missile a enchhin hi rocket engine enchinna a nih an rin thu an sawi ve bawk. Nkorea-in missile a enchhin hi Planet Labs aṭanga an hmuh thu leh Sohae Satellite Launching Station aṭang ngeia kahchhuah a nih thu CNN chuan a tarlang ve bawk a ni.

Nikuma Pyongyang hmuna summit an neihnaah khan, North Korea hotu Kim Jong Un leh South Korea President Moon Jae-in te chuan ram pahnihte inthurual leh thawhdunna atan, Sohae hmun aṭanga missile kapchhuak tawh rih lo tura an intiamna chu, Kim hian a bawhchhia niin media-te chuan an sawi.