Afghanistan-a inbeihna thlengah mi 10 an thi

Afghanistan hmar lama province pahnihah Inrinni zan khan inbeihna a thleng a, hetah hian min 10 an thi tih nimin khan Afghan official-te chuan an sawi.

Inbeihna pakhat zawk hi Balkh province-ah thlengin, Faryab province Special Opera­tions Forces commander chuanna lirthei chu Sholgara district-ah helten lo lambunin Special Operations Forces commander hi an thah bakah midang pahnih pawh an that a ni.

Special Operations Forces commander hi Balkh-ah hian a pa vuina hun hmang turin a kal nia tarlan niin, a laina hnai pahnih chu helte hian an rubo bawk. Balkh bul lawka awm Bag­hlan province-ah pawh inbeihna thleng bawkin, Afghan National Police pathum leh sorkar lamṭang tualchhuang mi palite chu Taliban firfiakten an that. Taliban-te hian Baghlan-e-Markazi district-a security checkpoint an bei a ni.

Afghanistan-ah hian Taliban-te chuan ram lak tumin ṭan an la thar nasa leh hle a, thlasik vawh zual tak tak hmain ṭanhmun sawh­ngheh an tum niin a lang.