Thailand leh Cambodia-in inkahhai puan remti

Thailand leh Cambodia chuan ni 20 chhung ramria an inbeih leh hnuah, vawiin khan inkahhai puan an remti tih ram pahnih defence minister-ten thuchhuah inṭawm an siamah an tarlang.

Inremna hi Thailand defence minister Natthaphon Nakrphanit leh Cambodia defence minister Tea Seiha ten an ziak a ni. Ramria inbeihna thleng thar leh vang hian mi 101 vel an thih bakah, mi nuai tel chu hmun him lamah an tlanchhe bawk.

Ram pahnihte hi July thla khan ramriah nasa takin an lo inbei tawh a, US president Donald Trump hmalakna hnuaiah inkahhai an puang a ni. Mahse, tun thla tir lamah inbei thar lehin, ni 20 hnuah inkahhai hi an puang leh thei ta a ni.