Krismas ni-a King Charles thuchah tihchhuah entu tam

27th December, 2025

England lal, King Charles III-a thuchah, Krismas nia tihchhuah chu UK-ah Krismas nia TV programme entu ngah ber a ni tih Westminster Abbey record chuan a tarlang.

King Charles thucah hi BBC, ITV, Sky News leh GB News-ah tihchhuah niin, entu hi mtd 7 dawn an tling. King hian a thusawiah an ram mipuite chu an ṭhenawmte nen boruak ṭha tak neia inhre pawh ṭha turin a chah a, hun harsa leh khirh tak a thlen laia ṭhenawm khawveng inlungrualna hlutzia chu theihnghilh ngai lo turin a ti a ni.

Krismas nia TV programme entu ngah pahnihna chu BBC One show lar tak, The Scarecrows' Wedding niin, entu mtd 4.3 an awm. He show hi Julia Donaldson leh Axel Scheffler-te milem bu siam behchhana siam a ni.

===