Russia-in President Putin chenna in drone hmanga beiah Ukraine puh

Russia foriegn minister Sergei Lavrov chuan Thawhṭanni zan khan an ram hmar thlang lam, Novgorod biala president Vladimir Putin chenna in chu Ukraine in drone hmangin an bei niin a sawi.

Lavrov chuan Ukraine sorkar hian long-range drone 91 hmangin Russia Federation President residence a bei tiin, heng drone-te hi Russia air defence chuan an lo kap thla a, thil tihchhiat a nei lo niin a tarlang. Hetianga beihna hi chhan lohin a awm dawn lo tih a sawi bawk.

Foreign Minister chuan he inbeihna hi Russia-Ukraine inkara inremna siam a nih theih dan ngaihtuahaninbiakna neih mek laia thleng a ni tiin, Ukraine thiltih avang hian an inbiaknaa an thil phut pawh an ennawn leh dawn tih a sawi.

Hetih lai hian Ukraine president Volodymyr Zelenskyy chuan Russia puhna hi a pha thung a, Russia chu Ukraine khawpui Kyiv-a sorkar building pawimawh beih tumah a puh let. Russia chuan Ukraine leh US aiawhte inbiakna tihbahhlah a tum zawk niin a puh a ni.